Shiv Jayanti celebrated with enthusiasm at DGI School, Mhasala B. : देविदासराव घोरपडे इंटरनॅशनल स्कूल, म्हसला (बु.) येथे शिवजयंती उत्साहाने साजरी. विद्यार्थ्यांनी सादर केले भक्तिमय कार्यक्रम.
धाड : १९ फेब्रुवारी २०२६: देविदासराव घोरपडे इंटरनॅशनल स्कूल व ज्युनियर कॉलेज, म्हसला बु. ता. बुलढाणा येथे छत्रपती शिवाजी महाराजांची जयंती मोठ्या उत्साहात, भक्तीभावाने आणि देशभक्तीच्या ज्वाला प्रज्वलित करणाऱ्या वातावरणात साजरी करण्यात आली.
कार्यक्रमाची सुरुवात छत्रपती शिवाजी महाराजांच्या प्रतिमेचे पूजन, पुष्पहार अर्पण आणि दीपप्रज्वलनाने झाली. यावेळी कार्यक्रमाचे अध्यक्ष म्हणून संदीप पालकर उपस्थित होते. तसेच भारत पालकर, राहुल रुद्राक्ष, विजय रोजेकर, ज्ञानेश्वर ताले, गणेश घोरपडे, नितीन केवट, विजय अपार, गणेश शेळके, अजय सोनवणे यांच्यासह इतर मान्यवर आणि शाळेतील शिक्षकवृंद मोठ्या संख्येने उपस्थित होते.
विद्यार्थ्यांनी या कार्यक्रमात छत्रपती शिवाजी महाराजांच्या शौर्यपूर्ण चरित्रावर प्रभावी भाषणे दिली. देशभक्तीपर गीते गाऊन, सांस्कृतिक कार्यक्रम सादर करून नव्या पिढीने शिवरायांच्या स्वराज्याच्या स्वप्नाला सलाम केला. विद्यार्थ्यांच्या सादरीकरणाने उपस्थित सर्वजण भारावून गेले. उपस्थित मान्यवरांनी शिवाजी महाराजांच्या जीवनातील धैर्य, न्यायप्रियता, नेतृत्व आणि जनकल्याणकारी कार्य यांचा आदर्श घेऊन समाजसेवेसाठी संकल्प केला.
कार्यक्रम संपूर्ण उत्साहपूर्ण आणि प्रेरणादायी वातावरणात संपन्न झाला. शेवटी योगेश पालकर सर यांनी सर्व उपस्थितांचे आभार मानले आणि शिवरायांच्या विचारांना जीवनात उतरवण्याचे आवाहन केले.
या कार्यक्रमामुळे शाळेतील विद्यार्थ्यांमध्ये स्वाभिमान, देशभक्ती आणि शिवरायांच्या आदर्शांचा जागर अधिक दृढ झाला असून, म्हसला परिसरात शिवजयंतीचा उत्सव अधिक भव्यपणे साजरा होत असल्याचे दिसून आले.
